Rəqəmsal inkişaf və nəqliyyat naziri Rəşad Nəbiyev Azərbaycanda genişzolaqlı internet şəbəkələrinin əhatə dairəsinin genişləndirilməsi ilə bağlı proqnoz verib.
TIME rəsmi mənbəyə istinadən bildirir ki, rəqəmsal inkişaf və nəqliyyat naziri Rəşad Nəbiyev “Qələbənin ilk ildönümü: Zəfər iqtisadiyyatının rolu və hədəfləri” adlı konfransda çıxışı zamanıqeyd edib ki, hazırda ölkədə internetin dayanıqlı və davamlı olmaması əsas problemlərdən biridir.
Nazirin sözlərinə əsasən, bununla bağlı müxtəlif regionlardan şikayətlər daxil olur, lakin bu problemlərin həll olunması istiqamətində tədbirlər görüləcək.
“Hazırda ölkəmizin İT infrastrukturu iqtisadi potensialımızı tam şəkildə realizə etməyə imkan vermir. Bununla bağlı cənab Prezindetin tapşırığı var. 2024-cü ilin sonuna qədər respublikada genişzolaqlı internetlə təmin edilməmiş şəhər qalmayacaq”.