İnsanlar yedikləri qidanın keyfiyyətinə, acılığına və duzluluğuna, nə dərəcədə təzə olduğuna əhəmiyyət vermədikdə, fastfuda və konservləşdirilmiş məhsullara gündəlik rasionda üstünlük verdiklərində mədə-bağırsaq xəstəliklərinin yaranmasına münbit şərait yaradırlar. Bu xəstəlikləri vaxtında müalicə etmədikdə isə onlar mədə xorası, mədə xərçəngi kimi daha ciddi problemə çevrilirlər.

Bəzən insanlar ara sıra mədələrində hiss etdikləri diskomforta və ya ağrılara önəm vermirlər və ya el arasında yayılmış üsullarla, ağrıkəsicilərlə narahatlıqlarının qarşısını almaq istəyirlər və beləliklə vaxt itkisinə yol verirlər. Bu vaxt ərzində isə ciddi bir xəstəlik onların orqanizmini sıradan çıxarır.