Novruz bayramı ərəfəsində hər çərşənbə axşamı yer üzündə həyatın təməli olan dörd ünsürdən – su, od, hava və torpaqdan birinə həsr olunur.

TIME bildirir ki, bu gün, 22 fevral, Azərbaycanda Novruz bayramı ərəfəsində ilk çərşənbə axşamı – su elementinə həsr olunmuş “Su çərşənbəsi” qeyd olunur.

Su kainatın ilk tərkib hissəsidir. Qədim zamanlardan bəri çay və çayların olduğu kənd yerlərində insanlar axşam çağı çaya doğru gedərək çayın üstündən keçirdilər və qədim inanclara görə son bir ildə bütün uğursuzluqlarını və çətinliklərini bu yolla tərk edərək yeni bir mərhələyə keçirdilər. Deyilənə görə bu insanın mənfi aurasını təmizləyərək müsbət enerjiyə yol açır.

Yaşlı nəslin nümayəndələrinin dediklərinə görə, bu günlərdə şəhər şəraitində yalnız dənizə getmək və düşüncənin gücü ilə “suyun üstünə addımlamaq”, keçən ilin bütün mənfi cəhətlərini geridə qoymaq və özünüzü daxili yeniləmək kifayətdir.

Su çərşənbəsi günü adətlərimizə görə evlər kohnə əşyalardan təmizlənməlidir və səliqə səhmana gətirilməlidir, axşam şamlarla bəzədilmiş şirniyyatlar süfrəsi açılmalıdır, bu süfrədə mütləq həyatın simvolu olan su ilə dolu bir qab qoymaq vacibdir.

Dinimiz bu cür xurafatlara qarşı olsa da, Uca Tanrı bizə su göndərdi və dəstəmaz üçün istifadə etməyimizi əmr etdi, və bu ənənədə İslamın əsas sütunlarına zidd bir şey olmadığına görə, xalqımızın qədim adət-ənənələrini unutmamalıyıqbu günədək goruyub saxlayıb.

Su çərşənbəniz mübarək!