Nazirlər Kabinetinin Qərarına əsasən Azərbaycan Respublikası Mədəniyyət Nazirliyinin tabeliyində olan Respublika Atçılıq Turizm və Milli Atüstü Oyunlar Mərkəzi ştat vahidləri və ona məxsus əmlakla birlikdə Azərbaycan Respublikası Dövlət Sərhəd Xidmətinin tabeliyinə verilib.
TIME rəsmi mənbəyə istinadən bildirir ki, Baş Nazir Əli Əsədovun imzaladığı Qərara Azərbaycan Respublikası Mədəniyyət Nazirliyinin strukturuna daxil olmayan tabeliyindəki qurumların Siyahısı”nın “II. Təsərrüfathesablı qurumlar” bölməsinin “7. Digər qurumlar” hissəsinin 7.1-ci bəndinin ləğv edilməsini nəzərdə tutur.
Azərbaycan Respublikasının Mədəniyyət Nazirliyinə, Azərbaycan Respublikasının Dövlət Sərhəd Xidmətinə və Azərbaycan Respublikasının İqtisadiyyat Nazirliyinə bu Qərardan irəli gələn məsələlərin qanunvericiliyin tələblərinə uyğun olaraq həll edilməsi tapşırılıb.