Azərbaycanda daha bir dərman vasitəsinin istifadəsinə qadağa qoyulub.

TIME rəsmi mənbəyə istinadən bildirir ki, Nazirlər Kabinetinin 2019-cu il 27 noyabr tarixli 460 nömrəli Qərarı ilə təsdiq edilmiş “Dərman vasitələrinin geri çağırılması Qaydası”nın 9.1 bəndi rəhbər tutularaq, 028361 seriya ilə buraxılmış son istifadə tarixi 05.2023 olan “Fosfalyugel” ticarət adlı aluminium phosphate gel 20%, daxilə qəbul edilən gel 16 q №20 paketlərdə (saşe) dərman vasitəsinin geri çağırılması qərarı verilib.

Qeyd edək, “Fosfalyugel” mədə-bağırsaq sisteminin xəstəliklərinin müalicəsi və radioaktiv elementlərin absorbsiyasını azaltmaq üçün profilaktika məqsədi ilə tövsiyə olunur.