Müdafiə naziri Rusiya sülhməramlılarının komandanı ilə görüşüb

Azərbaycan Respublikasının Müdafiə naziri general-polkovnik Zakir Həsənov Azərbaycan ərazisində müvəqqəti yerləşdirilən Rusiya sülhməramlı qüvvələrinin komandanı  vəzifəsini başa vuran general-leytenant Rüstəm Muradov ilə görüşüb.

TIME rəsmi mənbəyə istinadən bildirir ki, sonra general-leytenant R.Muradov Rusiya sülhməramlı kontingentinin komandanı vəzifəsinə yeni təyin olunan general-mayor Mixail Kosobokovu Müdafiə nazirinə təqdim edib.

Görüşdə Rusiya sülhməramlılarının müvəqqəti yerləşdirildiyi Azərbaycan ərazisindəki son vəziyyət müzakirə edilib.

Qeyd edək ki, Mixail Kosobokov 2015-2017-ci illərdə Rusiya Federasiyasının Silahlı Qüvvələrinin Abxaziya ərazisində yerləşən birləşmiş hərbi bazasına – 7-ci Rusiya hərbi bazasına rəhbərlik edib.

Leave a Reply