İcbari Tibbi Sığorta (İTS) üzrə Dövlət Agentliyi əhalini maraqlandıran aktual sualları cavablandırmaq məqsədi ilə yeni aksiyaya start verib.

TIME rəsmi mənbəyə istinadən bildirir ki, hər həftənin cümə günü saat 15:00-da İcbari Tibbi Sığorta üzrə Dövlət Agentliyinin “Facebook” səhifəsində əhalini maraqlandıran mövzularda canlı yayım təşkil olunur.

İTS-in “Facebook” səhifəsində növbəti canlı yayım “Ailə həkimi” mövzusunda olacaq. Sualları Agentliyin səlahiyyətli nümayəndəsi cavablandıracaq. Mövzu ilə bağlı sualları aşağıdakı postun şərh bölməsində qeyd edə və ya canlı yayım vaxtı yaza bilərsiniz.

İTS bildirib ki, canlı yayımın mövzusu ilə bağlı olmayan digər məsələlər barədə ünvanladırılan suallar toplanılır və həmin suallar növbəti canlı yayımlar zamanı mövzulara uyğun olaraq cavablandırılacaq.