Füzulidə ermənilər tərəfindən dağıdılmış “Araz” qəzetinin redaksiyası bərpa ediləcək.
TIME bildirir ki, bunu mədəniyyət naziri Anar Kərimov “Twitter” hesabında etdiyi paylaşımda qeyd edib.
“Bu Fizulidə ki “Araz” qəzetinin redaksiyasıdır. Əsası 1931-ci ildə Füzulidə qoyulmuş “Araz” qəzeti Ermənistanın işğalından öncə regionda əsas media orqanı olub. Binanın fasadının yalnız bir hissəsi vandalizmdən xilas edilib. Biz onu bərpa edəcəyik”.
https://platform.twitter.com/widgets.jsThis is the editorial office of "Araz" newspaper in Fuzuli, established in 1931. Before #Armenian occupation it was the main media outlet in the region. Now only part of the facade of the building has survived from vandalism. We will restore it. pic.twitter.com/o23M5DqXZf
— Anar Karimov 🇦🇿 (@Anar_Karim) April 12, 2021
Qeyd edək ki, müxtəlif mənbələrdən əldə edilmiş məlumata əsasən, Fizuli rayonunda ilk dəfə “Qızıl Araz” adlı qəzet 1931-ci ildə dərc olunmuşdur. Həmin qəzet 1966-cı ilə qədər «Qızıl Araz», 1966-cı ildən sonra isə “Araz” adı ilə dərc olunub. Fuzuli rayon partiya komitəsinin orqanı kimi fəaliyyət göstərib. Erməni işğalından sonra rayonda qəzetin fəaliyyəti 1997-ci ildə bərpa olunub. Azərbaycan xalqının ümummilli lideri Heydər Əliyevin köməkliyi sayəsində məcburi köçkünlərin işğaldan azad olunmuş əraziyə geri qayıdaraq məskunlaşmasının rəmzi olaraq rayon İcra Hakimiyyətinin və redaksiyanın yaradıcı kollektivinin orqanı kimi qəzet “Qayıdış” adı ilə dərc olunub.