Bu ildən etibarən təhsil haqqında dövlət sənədi elektron formada veriləcək.

TIME rəsmi mənbəyə istinadən bildirir ki, Azərbaycan Prezidenti İlham Əliyev, Konstitusiyasının 109-cu maddəsinin 19-cu və 32-ci bəndlərini rəhbər tutaraq, “Təhsil haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2020-ci il 18 dekabr tarixli 218-VIQD nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədilə fərman imzalayıb.

Fərmanla “Təhsil haqqında” Qanuna bir neçə dəyişikliklər edilib, o cümlədən “qiymətləndirilməsi (attestasiyası) sözləri “attestasiyası” sözü ilə əvəz edilib və qanunun yeni redaksiyasına əsasən artıq “Təhsil haqqında” Azərbaycan Respublikasının Qanununa uyğun olaraq, mülkiyyət formasından və tabeliyindən asılı olmayaraq təhsil müəssisələri tərəfindən məzunlara verilən təhsil haqqında dövlət sənədinin “Təhsil Mərkəzləşdirilmiş İnformasiya Sistemi”ndən elektron sənəd formasında əldə edilməsini təmin ediləcək.