Azərbaycanda koronavirusa (COVID-19) 825 yeni yoluxma faktı qeydə alınıb, 171 nəfər müalicə olunaraq sağalıb və evə buraxılıb.
TIME Nazirlər Kabineti yanında Operativ Qərargahın rəsmi məlumatına istinadən bildirir ki, COVID-19 yoluxması təsdiqlənmiş pasientlər arasında 6 nəfər vəfat edib.
İndiyədək ölkədə ümumilikdə 47 418 nəfərin koronavirus infeksiyasına yoluxması faktı müəyyən edilib, onlardan 40 619 nəfər müalicə olunaraq sağalıb, 648 nəfər vəfat edib, aktiv xəstə sayı 6 151 nəfərdir.
Son sutka ərzində yeni yoluxma hallarının müəyyənləşdirilməsi ilə əlaqədar 9 457, ötən müddət ərzində isə ümumilikdə 1 260 193 test aparılıb.