Etiket arxivi: #istehsal

Qeyri neft sektorunda sənaye istehsalı artıb

Sənaye müəssisələri və bu sahədə fəaliyyət göstərən fərdi sahibkarlar tərəfindən 2022-ci ilin yanvar-avqust aylarında 56,1 milyard manatlıq və ya 2021-ci ilin müvafiq dövrü ilə müqayisədə 0,1 faiz az sənaye məhsulu istehsal edilib.

TIME rəsmi mənbəyə istinadən bildirir ki, neft-qaz sektorunda məhsul istehsalı 1,6 faiz azalıb, qeyri neft-qaz sektorunda isə 9,0 faiz artıb.

Sənaye məhsulunun 75,5 faizi mədənçıxarma sektorunda, 20,6 faizi emal sektorunda, 3,3 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,6 faizi isə su təchizatı, tullantıların təmizlənməsi və emalı sektorunda istehsal olunub.

Mədənçıxarma sektorunda əmtəəlik neft hasilatı 5,2 faiz azalmış, əmtəəlik qaz hasilatı isə 11,3 faiz artıb.

Emal sektorunda sair nəqliyyat vasitələrinin istehsalı 3,3 dəfə, avtomobil, qoşqu və yarımqoşquların istehsalı 2,3 dəfə, əczaçılıq məhsullarının istehsalı 76,7 faiz, dəri və dəri məmulatlarının, ayaqqabıların istehsalı 59,9 faiz, elektrik avadanlıqlarının istehsalı 50,1 faiz, mebel istehsalı 49,8 faiz, geyim istehsalı 47,3 faiz, maşın və avadanlıqların istehsalı 38,5 faiz, hazır metal məmulatlarının istehsalı 35,9 faiz, poliqrafiya məhsullarının istehsalı 27,3 faiz, kompüter, elektron və optik məhsulların istehsalı 25,9 faiz, tikinti materiallarının istehsalı 21,7 faiz, kağız və karton istehsalı 18,9 faiz, qida məhsullarının istehsalı 13,2 faiz, ağacın emalı və ağacdan məmulatların istehsalı 12,2 faiz, metallurgiya sənayesi məhsullarının istehsalı 9,9 faiz, rezin və plastik kütlə məmulatlarının istehsalı 8,5 faiz, kimya sənayesi məhsullarının istehsalı 7,1 faiz, tütün məmulatlarının istehsalı 2,4 faiz artmış, içkilərin istehsalı 6,1 faiz, neft məhsullarının istehsalı 10,3 faiz, maşın və avadanlıqların quraşdırılması və təmiri işləri 22,1 faiz, toxuculuq sənayesi məhsullarının istehsalı 28,0 faiz azalıb.

Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 2,4 faiz, su təchizatı, tullantıların təmizlənməsi və emalı sektorunda isə 5,1 faiz artıb.

Azərbaycanda yeni alüminium məhsulları istehsalı müəssisəsi yaradılır

“Azərbaycan Sənaye Korporasiyası” ASC, “Azəralüminium” MMC və Almaniyanın “Achenbach Alpha GmbH” şirkəti arasında birgə müəssisənin təsis və idarə edilməsinə dair müqavilə imzalanıb.

Oxumağa davam et Azərbaycanda yeni alüminium məhsulları istehsalı müəssisəsi yaradılır

Sumqayıt Kimya Sənaye Parkında yeni istehsal sahəsi yaradılır

Ölkəmizdə həyata keçirilən uğurlu sənayeləşmə siyasətinə uyğun olaraq, İqtisadi Zonaların İnkişafı Agentliyinin (İZİA) idarəçiliyində olan Sumqayıt Kimya Sənaye Parkında yeni sənaye sahələrinin yaradılması, rəqabətqabiliyyətli və ixracyönümlü məhsul istehsalının təşkili, investorların cəlb olunması işləri davam etdirilir.

Oxumağa davam et Sumqayıt Kimya Sənaye Parkında yeni istehsal sahəsi yaradılır

Sənaye istehsalı artıb

Sənaye müəssisələri və bu sahədə fəaliyyət göstərən fərdi sahibkarlar tərəfindən 2022-ci ilin yanvar-may aylarında 34,9 milyard manatlıq və ya 2021-ci ilin müvafiq dövrü ilə müqayisədə 3,3 faiz çox sənaye məhsulu istehsal edilib. Neft-qaz sektorunda məhsul istehsalı 1,1 faiz, qeyri neft-qaz sektorunda isə 14,3 faiz artıb.

Oxumağa davam et Sənaye istehsalı artıb

6 növ qida məhsulu istehsalçılarının kreditləri subsidiyalaşdırılacaq

Sahibkarlığın İnkişafı Fondu tərəfindən biznesə yeni dəstək mexanizminin tətbiqinə başlanılıb. Bu mexanizm çərçivəsində minimum istehlak səbətinin tərkibində əsas ərzaq məhsullarının tədarükü və emalı, aqrar emal ilə məşğul olan mikro, kiçik və orta sahibkarlara banklar və digər kredit təşkilatları tərəfindən verilmiş kreditlər üzrə faizlərin subsidiyalaşdırılması nəzərdə tutulur.

Oxumağa davam et 6 növ qida məhsulu istehsalçılarının kreditləri subsidiyalaşdırılacaq