Vaksinasiya (peyvəndləmə) prosesi başlayan bu günə qədər peyvəndlərin hansı xəstələrə vurulması məqsədə uyğun olduğu, hansılara isə qadağan olunduğu haqda ictimai müzakirələr davam edir. Xarici mənbələrin xroniki xəstələrə, ürək-damar sistemi xəstələrinə, şəkərli diabet xəstələrinə, yuxarı tənəffüz yollarında və ciyərlərində problemi olan, allergiyadan əziyyət çəkən  insanlara peyvəndlərin vurulması qənaətbəxş olmadığı qeyd edilsə də həkimlər vaksindən və ölkədən asılı olaraq fərqli mövqedən çıxış edirlər. Azərbaycan Səhiyyə Nazirliyinin baş allerqoloqu Lalə Allahverdiyeva “İstənilən peyvəndləmə üçün əsas əks göstəriş xəstəliyin kəskinləşməsi və nəzarətə alınmayan gedişinin olmasıdır” deyə bu təzadlı məsələyə aydınlıq gətirib.