Hər bir uşağın məktəbə getməsi onun həyatında yeni bir dönəmin başlaması deməkdir. Məktəbdən öncə uşaq baxçaya gedibsə o nisbət etibarı ilə məktəb nizam-intizamına daha tez uyğunlaşır, lakin əks halda bu dönəm ilk günlərdə uşaq üçün çətin ola bilər. Valideynlər təbii ki, bu mərhələdə övladlarına qarşı daha diqqətli və anlayışlı olmaldırlar. Onlar məktəb öncəsi uşaqlarının yeni şəraitə uyğunlaşmaları üçün onları bir çox gündəlik vərdişləri aşılamalıdırlar.