“Aktyoru müxtəlif janrlarda oynatmaq və onu təkmilləşdirmək işi rejissorun əsas funksiyasıdır. Təəssüf ki, XXI əsr rejissorlarımız bu məsuliyyətlərdən qaçırlar və işlərini asan yolla həll etməyə çalışırlar. Və beləcə aktyorları da məhv edirlər. Ona görə də tamaşaçı nə dram oynayandan, nə də komediya oynayandan tam zövq ala bilmir” deyən Azərbaycan teatr və kino aktyoru, rejissor, Azərbaycan Kinematoqrafçılar İttifaqının üzvü, Xalq artisti Ağaxan Salmanlının ad günüdür, yaşasaydı 80 yaşını qeyd edəcəkdi.