Azərbaycan Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu iyun ayında pensiya və müavinatların ödəniləcəyi tarixləri açıqlayıb.

TIME rəsmi mənbəyə istinadən bildirir ki, iyunun 9-da Bakı və Sumqayıt şəhərləri, eləcə də Abşeron rayonu üzrə pensiyaların ödənilməsi nəzərdə tutulub.

Güzəştli şərtlərlə pensiya hüququna malik şəxslərin pensiyaları bu ay da qrafik üzrə ödəniləcək.

İyunun 14-də bölgələr üzrə əmək pensiyaları və xüsusi şərtlərlə əmək pensiyaları ödəniləcək.

Ünvanlı sosial yardımların 22 iyun tarixində ödənilməsi nəzərdə tutulub.