İdman etmək, şübhəsiz ki, sağlamlıq və bədənin gözəl görünməyi üçün faydalıdır, lakin bəzi fitnes vərdişlər yalnız zərər verə bilər, xüsusən də yaşlı insanlara.

TIME bildirir ki, bu sahə üzrə ekspert rəylərinin təhlili aşağıda təqdim etdiyimiz Top 9 zərərli fitnes vərdişini qeyd etməyə imkan verib.

Həddindən artıq yüklənmə

Fiziki məşqlərin həddindən artıq intensiv, ağır çəkilərlə, tez-tez və uzun müddət ərzində keçirilməsi orqanizmin həddən artıq yüklənməsinə və insanın həyat keyfiyyətinin aşağı düşməsinə səbəb olacaq. Nəticədə bu, yuxusuzluğa, iştahsızlığa, yüksək yorğunluğa səbəb olacaq və tibbi müdaxilə tələb edəcək çünki həddindən artıq məşq mərkəzi sinir sisteminin xəstəliyinə çevrilir.

Yüksək çəkilərlə həddən artıq çox məşq etmək

Maksimum çəkilərlə daimi güc məşqləri oynaqlara mənfi təsir göstərir və mərkəzi sinir sistemini həddindən artıq yükləyir. Bu vəziyyətdə, bərpa uzun və natamam olacaq, yığılmış yorğunluq fiziki və psixiki travmalarla nəticələnə bilər. Təlim zamanı maksimum çəki ilə məşqləri daha az çəki ilə məşqlərlə seyreltmək tövsiyə olunur. Qeyd edək, ki həddindən artıq məşq nəticədə daimi yorğunluq hissini yaradır, performans azalır, əzələ kütləsi itirilir, sağlamlıq və fitnessin əsas göstəriciləri geriləyir. Bu sindromun ən böyük təhlükəsi odur ki, daimi stress bütün orqanların işinə mənfi təsir edir, otonom sinir sisteminin funksiyaları və hormonal balans pozulur.

Qidalanmaya diqqət yetirməmək

İdman aktiv həyat tərzinin yalnız bir hissəsidir. Digər, bəlkə də böyük bir hissəsi yemək və istirahətdir. Çox az və ya çox qidalanma ən yaxşı halda məşq zamanı əldə etdiyiniz nailiyyətlərinizi sıfırlaya bilər, ən pis halda isə, müxtəlif xəstəliklərə və pozğunluqlara səbəb ola bilər.

Məşqdən əvvəl əzələlərin istiləşməsini atlamaq

İstiləşmə, nə qədər məşq etməsindən asılı olmayaraq hər bir insan üçün məşqin vacib başlanğıcıdır. Əzələlərin istiliyini yüksəltmək, oynaqları qızdırmaq və mərkəzi sinir sistemini oyandırmaq üçün aerobik simulyatorda 10-15 dəqiqəlik fiziki aktivlik daxil edilməlidir. İstiləşməni atlamaq zədə riskini və əzələlərin bərpa müddətini artıra bilər.

Sağlam yuxuya önəm verməmək

Az və ya həddən ziyadə çox yatmaq, keyfiyyətsiz yuxu – xroniki həddindən artıq yüklənmə, həddindən artıq məşq, həddindən artıq yorğunluq kimi dağıdıcı nəticələrə səbəb olacaq. Əksinə, keyfiyyətli yuxu düzgün şəkildə bərpa olunmağınıza kömək edəcək.

Dartınmamaq

Dartınmaq elastikliyi yaxşılaşdırmağa kömək edəcək, lakin onu intensiv güc məşqindən sonra tövsiyə etmirlər. Belə bir məşqdən sonra bədənin əzələ və birləşdirici toxumaları kifayət qədər yüklənir və əlavə olaraq dartınmaq müxtəlif travmalara səbəb ola bilər.

Hamam və ya saunadan sui-istifadə

Saunada (xüsusilə infraqırmızıda) qısa müddət qalmaq qan axını yaxşılaşdıracaq, stressi aradan qaldıracaq və bərpa proseslərinə başlayacaq. Sui-istifadə acınacaqlı nəticələrə və hətta ölümə səbəb ola bilər, çünki saunada və ya hamamda uzun müddət qalmaq məşq zamanı artıq yüklənmiş ürək əzələsinin həddindən artıq istiləşməsinə səbəb olacaq.

Alkoqol, tütün və narkotiklərdən istifadə

Fitnes həvəskarları fasilələr zamanı və ya məşqdən sonra bir banka pivə və ya siqaretlə özlərini “bərpa” edə bilərlər ki, bu da nəinki bütün nəticələri ləğv edir, həm də beynin və bədənin sürətlə məhvinə gətirib çıxarır.

Stomulyatorlardan istifadə

Onların çeşidi genişdir – məşqdən əvvəl komplekslərdən anabolik steroidlərə qədər. İdmanla məşğul olanların yüksək faizi məşq prosesini bu növ dopinqsiz təsəvvür etmir, halbuki belə stimullaşdırıcıların istifadəsi mərkəzi sinir sisteminin həddən artıq yüklənməsinə və psixoloji asılılığa gətirib çıxarır.