İqtisadiyyat Nazirliyi yanında Əmlak Məsələləri Dövlət Xidmətinin Hərracların Təşkili Mərkəzi və Ekologiya və Təbii Sərvətlər Nazirliyi yanında Dövlət Mineral Xammal Ehtiyatlarından İstifadə Agentliyi tərəfindən növbəti hərrac keçirilib.
TIME rəsmi mənbəyə istinadən bildirir ki, faydalı qazıntı yataqlarının istifadəyə verilməsi ilə bağlı keçirilən 15 fevral hərracında Xızıda yerləşən “Şurabad” qum yatağının 22 ha sahəsi, Balakəndə “Göyəmtala” gil yatağının 3,22 ha, Qazaxda “Aşağı Salahlı” gil yatağının və “Daş Salahlı-III” sement xammalı yatağının müvafiq olaraq 20 ha və 25 ha, Ağstafada “Acıdərə” vulkan külü yatağının 6 ha sahəsi istifadəyə verilib.
Hərrac vasitəsilə istifadəyə verilən faydalı qazıntı yataqlarının siyahısı ilə burada tanış olmaq mümkündür.