Azərbaycan İqtisadiyyat Nazirliyi 2022-ci ilin yanvar-avqust aylarında vergi daxilolmaları haqqında məlumatı açıqlayıb.

TIME rəsmi mənbəyə istinadən bildirir ki, 2022-ci ilin yanvar-avqust aylarında İqtisadiyyat Nazirliyi yanında Dövlət Vergi Xidmətinin xəttilə dövlət büdcəsinə 9 milyard 787 milyon 410,5 min manat vergi daxil olub.

Ötən ilin müvafiq dövrü ilə müqayisədə vergi daxilolmaları 67,8% faiz və ya 4 milyard manata yaxın artıb. Qeyri-neft-qaz sektorundan daxilolmalar 5 milyard 698 milyon 769,6 min manat olub.

Ötən ilin müvafiq dövrü ilə müqayisədə bu sektordan vergi daxilolmaları 33,6 faiz və ya 1 milyard 434,8 milyon manat artıb.