Dövlət İmtahan Mərkəzi Yoxlama-ölçmə materiallarının işlənməsi departamentində məsləhətçi vəzifəsi üzrə vakansiya elan edib.
TIME rəsmi mənbəyə istinadən bildirir ki, yoxlama-ölçmə materiallarının işlənməsi departamentinin orta təhsil üzrə sektorda məsləhətçi vəzifəsinə ali təhsilli əməkdaş tələb olunur.
İxtisas tələbləri və digər şərtlər:
- Aşağıdakı ixtisaslardan biri üzrə ən azı bakalavr təhsilinə malik olmalıdır:
– İnformatika müəllimliyi;
– Riyaziyyat və informatika müəllimliyi.
- Yeni təhsil proqramı (kurikulum) üzrə məlumatlı olmalıdır.
Qulluq funksiyaları:
İnformatika fənni üzrə yoxlama-ölçmə materiallarının hazırlanması və ekspertizası üzrə tələb olunan işləri həyata keçirmək.
Dil biliklərinə dair tələblər:
- ingilis dili – orta səviyyədə
- rus dili – orta səviyyədə
Vakansiya üzrə müraciət etmək istəyən şəxslərdən CV formasını buradan yükləyib tam şəkildə dolduraraq 2022-ci il sentyabr ayının 20-dək test@dim.gov.az elektron poçt ünvanına mövzu hissəsində “İnformatika” yazaraq göndərmələri xahiş olunur.