Əyləncə nəhənginin elan etdiyi ixtisarlar, əsasən, Kaliforniyadakı ABŞ ofisinə təsir edəcək. Onlar Şimali Amerikadakı Netflix-in işçilərinin təxminən 2%-ni təşkil edir.

TIME bildirir ki, Netflix, iş yerlərinin itirilməsinin şirkətin gəlirlərinin azalması ilə əlaqədar olduğunu bildirib. Video yayım xidməti bu il tamaşaçı itkisi ilə mübarizə aparır.

“Bu dəyişikliklər, ilk növbədə, fərdi performansdan daha çox biznes ehtiyaclarından irəli gəlir, bu da onları xüsusilə çətinləşdirir, çünki heç birimiz bu sayda həmkarlarımızla vidalaşmaq istəmirik”, – şirkətin açıqlamasında deyilir.