Şuşaya hısr olunmuş videohekayə müsabiqəsi keçirilir

Təhsil Nazirliyi tərəfindən media nümayəndələri arasında keçirilən “Biz Şuşadan danışırıq” adlı videohekayə müsabiqəsinə müraciətlərin qəbulu davam edir. Müraciətlərin qəbulu üçün son tarix 27 may 2022-ci ildir.

TIME rəsmi mənbəyə istinadən bildirir ki, müsabiqə üç nominasiya üzrə keçirilir:

– Ən yaxşı süjet;
– Ən yaxşı videoreportaj;
– Ən yaxşı videomüsahibə.

Müsabiqə üzrə tələblər aşağıdakılardır:

– Müsabiqədə media nümayəndələri iştirak edə bilər;

– Müsabiqəyə göndərilən videolar 3 dəqiqədən artıq olmamalıdır;

– İştirakçı özü haqqında zəruri məlumatları (adı, soyadı, yaşı, yaşadığı şəhərin (rayonun adı), təmsil etdiyi media qurumunun adı və tutduğu vəzifə, əlaqə telefonu) daxil etməklə hazırlanmış videonu 27 may 2022-ci il tarixinədək  musabiqe2022@edu.gov.az elektron poçt ünvanına  göndərməlidir;

– Hər iştirakçı bir videohekayə göndərə bilər;

– Müsabiqəyə təqdim olunan videohekayələr “Biz Şuşadan danışırıq” ön sözü ilə başlamalıdır.

Qaliblər Münsiflər Heyəti tərəfindən müəyyən ediləcək. Müsabiqə qaliblərinə Təhsil Nazirliyinin sertifikatı və hədiyyələr təqdim olunacaq.

Qeyd edək ki, videohekayə müsabiqəsi Azərbaycan Respublikası Prezidentinin 2022-ci ilin “Şuşa ili” elan edilməsi haqqında, Nazirlər Kabinetinin “Şuşa ili” ilə bağlı Tədbirlər Planının təsdiq olunması barədə” sərəncamlara və Təhsil Nazirliyinin bununla bağlı müvafiq planına uyğun olaraq həyata keçirilir.

Müsabiqənin məqsədi Şuşanın təhsilinə, mədəniyyətinə və tarixinə, elm adamlarının, tanınmış şəxslərinin həyat və yaradıcılığına media vasitəsilə işıq salmaq, onların gördüyü işləri təbliğ etmək və gənc nəsli maarifləndirməkdir. 

Leave a Reply