Azərbaycan Respublikası Prezidenti İlham Əliyev dövlət qulluqçusunun xidməti vəsiqəsinin təsvirinin və nümunəsinin təsdiq edilməsi haqqında Fərman imzalayıb.
TIME rəsmi mənbəyə istinadən bildirir ki, Fərman Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Dövlət qulluğu haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2017-ci il 29 dekabr tarixli 968-VQD nömrəli Qanununun icrası ilə əlaqədar imzalanıb. qərara alıram:
Fərmana əsasən “Dövlət qulluqçusunun xidməti vəsiqəsinin təsviri” və “Dövlət qulluqçusunun xidməti vəsiqəsinin nümunəsi” təsdiq edilib.
Azərbaycan Respublikasının Nazirlər Kabinetinə bu Fərmandan irəli gələn məsələlərin həlli tapşırılıb.