Bakıya 50 ədəd müasir standartlara cavab verən avtobus gətirilib

Bakı Nəqliyyat Agentliyi (BNA) yerli sərnişindaşıma şirkəti tərəfindən paytaxta 50 ədəd Türkiyə şirkətinin müasir emissiya standartlarına cavab verən avtobuslarını gətirdiyini bildirib.

TIME rəsmi mənbəyə istinadən bildirir ki, dövlət başçısının tapşırığına əsasən, ötən dövrdə paytaxta 1000-dən artıq avtobus gətirilib. Sərnişindaşıma tələblərinə tam cavab verən bu avtobusların 67%-i CNG (sıxılmış təbii qaz) mühərriklidir. 

Sərnişindaşımada xidmət keyfiyyətinin artırılmasında özəl daşıyıcı şirkətlər də maraq göstərməkdədir. Belə ki, “Xaliq Faiqoğlu” şirkəti qardaş Türkiyə Respublikasının “OTOKAR Savunma Sanayi A.Ş.”dən müasir emissiya standartlarına tam cavab verən avtobuslar alır. Alınması nəzərdə tutulan 120 ədəd iritutumlu nəqliyyat vasitələrinin 50 ədədi artıq Bakı şəhərinə gətirilib. Müasir ödəniş cihazları quraşdırılan avtobuslar 23 fevral tarixindən müvafiq müntəzəm marşrut xətləri üzrə sərnişinlərin xidmətinə veriləcək.

Yeni avtobusların 2 ədədi 18,7 m olmaqla, qoşqulu – 4 qapılı nəqliyyat vasitəsidir ki, bu da pik saatlarda sərnişin axınının yüksək olduğu istiqamətlərdə insanların rahat və təhlükəsiz daşınmasında xüsusi rol oynayacaq. 

Avtobus parkının yenilənməsi ilə yanaşı, “Xaliq Faiqoğlu” şirkətinə məxsus yeni istehsalat bazası da istifadəyə verilib. İctimai nəqliyyat infratstrukturun müasirləşdirilməsi baxımından əhəmiyyət kəsb edən bazada eyni vaxtda 200-ə qədər iritutumlu avtobusun park edilməsi mümkündür. Nazirlər Kabinetinin 73 saylı müvafiq qərarı ilə təsdiqlənmiş norma və standartalara cavab verən istehsalat bazasında avtobuslara texniki xidmətin göstərilməsi üçün zəruri şərait yaradılıb.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış /  Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış /  Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış /  Dəyişdir )

%s qoşulma