“Baktelekom” (“Bakı Telefon Rabitəsi” MMC) CDMA şəbəkəsinin abunəçilərinə xəbərdarlıq edib.
TIME rəsmi mənbəyə istinadən bildirir ki, 511 və 555 prefiksli simsiz telefon abunəçilərinin nəzərinə çatdırlıb ki, fevral ayının 14-dən 21-dək CDMA (Code Division Multiple Access) şəbəkəsini dəstəkləyən baza stansiyasının avadanlıqlarında profilaktik işlərin aparılması ilə əlaqədar müvafiq xidmətin göstərilməsində fasilələr yaranacaq.
Təkmilləşdirmə tədbirləri yekunlaşdıqdan sonra CDMA – simsiz telefon xidmətinin fəaliyyəti tam bərpa ediləcək.
Abunəçilərdən rabitə xidmətlərində yarana biləcək fasilələri nəzərə almaları xahiş olunur.