Bakıda və Abşeron yarımadasında yanvarın 20-də hava arabir yağıntılı olacağı, sulu qar, bəzi yerlərdə qar yağacağı gözlənilir. 

TIME rəsmi mənbəyə istinadən bildirir ki, şimal-qərb küləyi 15-20 m/s, arabir 25-30 m/s-dək güclənəcək. Havanın temperaturu günün birinci yarısında 3°-dək isti, axşam 0°-yə yaxın olacaq.

Yanvarın 19-u axşam Azərbaycanın şimal və qərb rayonlarında, 20-dən 21-dək isə əksər rayonlarda hava şəraitinin yağıntılı olacağı, bəzi yerlərdə sulu qar, qar yağacağı gözlənilir. Ayrı-ayrı yerlərdə intensiv və güclü olacağı ehtimalı var.
Qərb küləyi arabir 15-20 m/s, yanvarın 19-da gündüz, 20-də ayrı-ayrı yerlərdə arabir 25-30 m/s-dək güclənəcək.

Gözlənilən şaxtalı hava şəraiti ilə əlaqədar rayonlarda yolların buz bağlayacağı ehtimalı var.