Aqroparklar haqqında Nümunəvi Əsasnamə təsdiq edilib

Prezident İlham Əliyev “Aqroparklar haqqında Nümunəvi Əsasnamə”nin təsdiq edilməsi haqqında Fərman imzalayıb.

TIME rəsmi mənbəyə istinadən bildirir ki, “Aqroparklar haqqında Nümunəvi Əsasnamə” təsdiq edilməsi “Sənaye parklarının, sənaye məhəllələrinin və aqroparkların idarə edilməsinin təkmilləşdirilməsi ilə bağlı tədbirlər haqqında” Azərbaycan Respublikası Prezidentinin 2021-ci il 22 yanvar tarixli 1257 nömrəli Fərmanının icrası ilə əlaqədardır.

Fərmanla müəyyən edilib ki, “Aqroparklar haqqında Nümunəvi Əsasnamə”də səlahiyyətli orqan dedikdə Azərbaycan Respublikasının İqtisadiyyat Nazirliyi nəzərdə tutulur.

Azərbaycan Respublikasının İqtisadiyyat Nazirliyinə:

– “Aqroparklar haqqında Nümunəvi Əsasnamə”nin 3.7-ci bəndinin ikinci cümləsində, 4.3-cü bəndinin üçüncü cümləsində, 5.1.6-cı, 6.1.11-ci, 8.6.6-cı yarımbəndlərində və 8.8-ci bəndində nəzərdə tutulmuş aktları altı ay müddətində qəbul etsin;

– “Aqroparklar haqqında Nümunəvi Əsasnamə”dən irəli gələn digər vəzifələrin həyata keçirilməsi tapşırılıb.

Aqroparklar haqqında Nümunəvi Əsasnamə ilə burada tanış ola bilərsiniz.

Leave a Reply