Moskvadan Füzuliyə və Zaqatalaya uçuşlar keçirməyə icazə verilib

Rusiyanın “İrAero” aviaşirkəti Federal Hava Nəqliyyatı Agentliyi tərəfindən Moskva-Füzuli və Moskva-Zaqatala marşrutu ilə uçuşlar keçirməyə icazə alıb.

TIME xarici mətbuata istinadən bildirir ki, uçuşlar həftədə iki dəfə həyata keçiriləcək.

Xatırladaq ki, Füzuli beynəlxalq hava limanının açılışı oktyabrın 26-da baş tutub.

Qarabağın hava qapısı adlandırılan Füzuli Beynəlxalq Hava Limanı ən müasir səviyyədə inşa olunub. Hava limanının istənilən tip hava gəmisini qəbul etmək imkanları var. Uçuş-enmə zolağının uzunluğu 3000, eni isə 60 metrdir. Hava limanının müasir infrastrukturla təchiz olunan terminalı saatda ən azı 200 sərnişinin buraxılışına imkan verir.

Leave a Reply