Sabah tam Günəş tutulması hadisəsi baş verəcək

Sabah ilin sonuncu Günəş tutulması baş verəcək.

TIME N. Tusi adına Şamaxı Astrofizika Rəsədxanasının məlumatına istinadən bildirir ki, 4 dekabr 2021-ci il tarixində cari ilin son tutulma hadisəsi baş verəcək. Bu tutulma tam Günəş tutulması olacaq.

Günəş tutulması hadisəsi saat 09:29:16-da başlayacaq və saat 13:37:26-da sona çatacaq. Ümumilikdə 4 saat 8 dəqiqə davam edəcək tutulmanın maksimumu saat 11:34:38-də olacaq.

Tam tutulma Antarktidada müşahidə olunacaq. Avstraliyanın, Afrikanın və Cənubi Amerikanın cənubunda, Sakit, Atlantik, Hind okeanlarında isə qismən tutulma müşahidə ediləcək.

Qeyd edək ki, Günəş tutulması Azərbaycanda müşahidə olunmayacaq.

Leave a Reply