2022-ci il üçün ehtiyac meyarının və yaşayış minimunun hədləri təsdiq edilib

Azərbaycan Respublikasında 2022-ci il üçün ehtiyac meyarının və yaşayış minimunun hədləri təsdiq edilib.

TIME bildirir ki, məlumatına görə, bu barədə məsələ Milli Məclisin bu gün keçirilən iclasında müzakirəyə çıxarılıb.

Belə ki, ünvanlı dövlət sosial yardımının təyin edilməsi məqsədilə 2022-ci il üçün ehtiyac meyarının həddi 200 manat məbləğində təsdiq edilməsi təklif edilib və səsverməyə qoyularaq qəbul olunub.

Qeyd edək ki, gələn ilin ehtiyac meyarının həddi bu ilin ehtiyac meyarından 17,6% çoxdur.

İclasda müzakirəyə gələn il üzrə yaşayış minimumu da müzakirə edilib. 2022-ci il üçün yaşayış minimumunun ölkə üzrə 210 manat, əmək qabiliyyətli əhali üçün 220 manat, pensiyaçılar üçün 176 manat, uşaqlar üçün 193 manat məbləğində müəyyən edilməsi təklif edilib və səsverməyə qoyularaq qəbul edilib.

Leave a Reply