Qaz tədarükü ilə bağlı Azərbaycanla əldə olunan sazişlərin hər biri ehtiyat məqsədi daşıyır.

Trend-in verdiyi məlumata əsasən, bunu Türkiyə Prezidenti Rəcəb Tayyib Ərdoğan Azərbaycanla imzalanmış yeni qaz sazişini şərh edərkən deyib.

O bildirib ki, bu cür sazişlər enerji böhranının yaşanmaması üçün atılan addımlardır: “Biz öz ehtiyatımızı görürük. Azərbaycanla əldə olunan bütün razılaşmalar ehtiyat xarakteri daşıyır. Rusiya ilə, İranla, Azərbaycanla sazişlərimiz bu cür böhranları yaşamayacağımızın işarəsidir. Qərb ölkələrində bu baxımdan problemlər davam edir. Türkiyə üçün bu problemlər gündəmdə deyil”.

Qeyd edək ki, Türkiyə və Azərbaycan 2024-cü ilin sonunadək 11 milyard kubmetr əlavə təbii qazın tədarükü ilə bağlı saziş imzalayıb.