Bakı Nəqliyyat Agentliyi Pirəkəşkül və Müşviqabad qəsəbələrinə hərəkət edən iki avtobus marşrutunu nağdsız ödəniş sisteminə keçdiyini elan edib.

TIME rəsmi mənbəyə istinadən bildirir ki, oktyabrın 8-dən 114A və 114B nömrəli marşrut xətti (Pirəkəşkül və Müşviqabad qəsəbəsi – “20 Yanvar” m/st ) üzrə hərəkət edən avtobuslarda gediş haqqı “BakıKart” vasitəsilə ödəniləcək. 

Qeyd edək ki, sərnişinlərin rahatlığının təmin edilməsi məqsədilə marşrutun hərəkət sxemi üzrə aşağıda qeyd olunan ünvanlardakı “OBA” marketlərdə “BakıKart” balansının artırılması üçün POS terminallar quraşdırılıb:

• Müşfiqabad qəsəbəsi üzrə 4 ünvanda (Qaradağ r-nu)
• Sulutəpə qəs. (Binəqədi r-nu)
• Rəşid İsmayılov 56 (Binəqədi r-nu)
• Asif Məhərrəmov 1 (Nəsimi r-nu)
• Müzəffər Həsənov 51 (Yasamal r-nu)