Bu gün Azərbaycan Qida Təhlükəsizliyi Agentliyinin (AQTA) “Təhlükəsiz qida” adlı onlayn verilişi “Facebook” sosial şəbəkəsindəki rəsmi səhifəsi üzərindən canlı yayımlanıb.

TIME rəsmi mənbəyə istinadən bildirir ki, verilişdə bioloji fəallığa malik qida əlavələri və istifadə qaydaları, həmçinin istehlakçıların bilməli olduğu məqamlar müzakirə olunub.

AQTA-nın şöbə müdiri Ramazan Nəbiyevqeyd edib ki, “Təhlükəsiz qida” layihəsinin həyata keçirilməsində məqsəd istehlakçıların, habelə qida zəncirinin bütün mərhələlərində iştirak edən sahibkarlıq subyektlərinin qida təhlükəsizliyi ilə bağlı maarifləndirilməsini təmin etməkdir.