Ramazan İslamın bütün tərəfdarları üçün beş böyük bayramdan biridir. Bütün müsəlmanlar bu bayramı əsas dini sütunlardan biri kimi qiymətləndirirlər, bu səbəbdən hər bir İslam ölkəsində bu gün milli bayram kimi qeyd olunur. Bayramın tarixi ay təqvimindən asılı olaraq dəyişir və bu il tətil 13 may tarixinə təsadüf edir.

Ramazan Bayramı bir ay boyunca tutulan müqəddəs oruc bitdikdən sonra başlayır. Bu bayram müsəlmanların bu günlərdə öz üzərlərində apardıqları bütün mənəvi işlərin nəticəsidir. Bayram, mənəvi güclənmə və yenidən doğuşun simvoludur və əlbətdə ki, xüsusi əzəmətlə – ən yaxşı geyimlərdə və ən ləzzətli yeməklərlə qeyd olunmalıdır.

Şənlik gününün başlaması ilə bütün İslam dininin nümayəndələri ən gözəl paltarları geyinərək “gayet-namaz”larını qılırlar. Dini mərasim günəşin ilk sübh şüası ilə dünyanı işıqlandırmasından bir saat əvvəl keçirilir. Adətən, əksər müsəlman ölkələrinin qanunlarına görə əhalinin yalnız kişi hissəsi namazı məsciddə qılır, qadın hissəsi isə süfrələr açmaq və qonaqların gəlişinə hazırlaşmaq üçün evdə qalır. Lakin bu il, COVID-19 pandemiyası ilə əlaqədər tətbiq edilmiş karantin rejiminin qaydalarına əsasən, bayram namazlarını müsəlmanlar Azərbaycanda evdə qılırlar.

Namaz qurtardıqdan sonra müsəlmanlar ailə üzvləri ilə bayram süfrəsi arxasında yığışırlar. Ramazan Bayramı üçün mütləq görüləcək işlərdən biridə “fitrə zəkatı” adlanan xeyriyyəçilik aksiyasıdır. Xəstə və yaşlı qohumlarını, habelə dünyasını dəyişənlərin qəbirlərini ziyarət etmək tövsiyə olunur. Bundan başqa həyatda olanlar üçün asan bir həyat, vəfat etmişlər üçün isə əziyyətsiz bir axirət istənilir.

Bir çox ailədə, uşaqlar, qadınlar və qohumlar üçün hədiyyə almaq da adətdir, çünki ənənəyə görə, bu gün evə rifah gətirmək üçün fərqli insanlara ən azı yeddi hədiyyə verilməlidir.