Azərbaycan filmi Rotterdam festivalında nümayiş ediləcək

Bakı Media Mərkəzi və «Salnaməfilm”in birgə istehsalı olan “Sonuncu” sənədli filmi dünyaca məşhur Rotterdam Film Festivalının rəsmi proqramına seçilib.

TIME rəsmi mənbəyə istinadən bildirir ki, bu il 50-ci yubiley festivalı iyunun 2-6 tarixlərində keçiriləcək və bu tədbir çərçivəsində “Sonuncu” filminin geniş auditoriyaya ilk təqdimatı baş tutacaq.

Rejissor Fariz Əhmədovun filmi festivalın “Qısa və orta metrajlı” bölməsində iştirak edəcək.

Qeyd edək ki, Rotterdam beynəlxalq kinofestivalı dünyanın ən nüfuzlu kino müsabiqələrindən  biridir. «A» kateqoriyalı festivalın adı Avropanın Kann, Venesiya, Berlin, Lokarno və digər böyük festivalları ilə yanaşı çəkilir.

“Sonuncu” filmi haqqında qısa məlumat, treyler və fotolar artıq Festivalın rəsmi saytında yerləşdirilib.

//www.instagram.com/embed.js

Leave a Reply