“Azərbaycanfilm” kinostudiyası yeni “Məryəm” filminin çəkilişlərinə başlayır.
TIME rəsmi mənbəyə istinadən bildirir ki, filmin ssenari müəllifi və rejissoru Elçin Musaoğludur.
Filmin çəkilişləri bu ilin may-iyun aylarında Qax, Zaqatala və Balakən bölgələrində aparılacaq. Yeni kino layihəsinin süjet xətti xaricdə olan qızın vətənə qayıdaraq atasının axtarışlarına başlamasına və üz-üzə qaldığı reallıqlara həsr edilib.
Məryəm uzun illər sonra, ölmüş bildiyi atasını görmək üçün Azərbaycana gəlir. Atasını ucqar rayonda yerləşən psixiatrik xəstəxanada tapan Məryəm, yeni reallıqla üz-üzə qalır. Bu zaman ortaya əbədi «nə etməli?» sualı çıxır.