İnternetin olmadığı kəndlərdə tədris necə təşkil edilir?

Pandemiya dövründə distant təhsil məsələsi aktuallaşıb. Bütün uşaqların distant təhsilə qoşulması üçün lazımi şərait yaradılmalıdır.

Trend-in verdiyi məlumata əsasən, bunu Azərbaycan Ombudsmanı Səbinə Əliyeva Milli Məclisin bu gün keçirilən iclasında Azərbaycan Respublikasının İnsan hüquqları üzrə müvəkkilinin (Ombudsmanın) illik məruzəsini təqdim edərkən deyib.

S.Əliyeva bildirib ki, kənd yerlərində bir sıra hallarda internetin, texniki təchizatın olmaması uşaqların vaxtında dərslərə qoşulmasına mane olur.

O bildirib ki, bu probemlərin aradan qaldırılması üçün müvafiq tədbirlər görülməlidir.

Qeyd edək ki, Qazaxıstanda bu problem 2021–2022-ci illərdə əhalisi 250 nəfərdən az olan 877 kəndin 3G / 4G texnologiyası ilə geniş zolaqlı İnternetə, qalan 930 kəndin isə peyk İnternetinə qoşulması ilə həll olunur. Azərbaycanın özünəməxsus peykinin mövcud olduğunu nəzərə alsaq təhsil sahəsində müvafiq sosial bir layihənin həyata keçirilməsi mümkündür.

Leave a Reply