Bakıda sulu qar və sıfır dərəcə soyuq gözlənilir

Martın 12-13-də Bakıda sulu qar yağacağı gözlənilir.

TIME Beynəlxalq metereoloji xidmətlərin verdiyi məlumatlara istinadən bildirir ki, iki gün ərzində Bakıda güclü şimal küləyinin əsəcəyi gözlənilir. Küləyin gücü müvafiq olaraq 23 – 22 m/s təşkil edəcək.

Havanın temperaturunun sərt düşəcəyi gözlənilir, temperatur ilin bu fəsli və ayı üçün iqlim normasından aşağı olacaq. Belə ki, iqlim norması 5,5 – 10,4 dərəcə olduğu halda, qeyd edilən tarixlərdə havanın temperaturu gündüz müvafiq olaraq 4-3 dərəcə, gecə saatlarında isə 2-0 dərəcəyədək düşəcək.

Qeyd edək ki, Bakıda yaz fəslində, mart və hətta aprel aylarında qarın yağması bundan öncə ki, illərdə də müşahidə olunub. Belə ki, 2012-ci və 2014-cü ildə mart ayında, 2005-ci ildə isə aprel ayında Bakıda qar yağıb.  

Leave a Reply