Azərbaycan Respublikası Nazirlər Kabineti “Elektron qaimə-fakturanın formasının, tətbiqi, uçotu və istifadəsi Qaydaları” yeni redaksiyada təsdiq edilib.
TIME Nazirlər Kabinetinin 26 №-li Qərarına dair izaha istinadən bildirir ki, yeni redaksiyada təsdiq edilən Qaydalar ilə vergi ödəyiciləri tərəfindən aparılan əməliyyatlar üzrə çevik tənzimlənmənin, habelə əməliyyatların xarakterinin müəyyən edilməsi və vergi ödəyicisinin inzibatçılıq yükünün yüngülləşdirilməsi, o cümlədən nəzarət mexanizminin təkmilləşdirilməsi mümkün olacaq.
Alınmış elektron qaimə-fakturalar eyni zamanda ƏDV ödəyiciləri tərəfindən ödənilmiş ƏDV-nin əvəzləşdirilməsi üçün əsas olan sənəd kimi çıxış edir.
Bundan əlavə, vergi ödəyiciləri tərəfindən həyata keçirilən əməliyyatın xarakterinə uyğun olaraq elektron-qaimə fakturanın 9 növü müəyyən edilib.
