Fevral ayının 1-dən vaksinasiyaya cəlb olunacaq 65 yaşdan yuxarı şəxslərin siyahısı hazırlanır.

Trend-in verdiyi məlumata əsasən, yaxın günlərdə həmin şəxslərə sahə həkimi tərəfindən zənglər olunacaq:

“Könülü halda poliklinikaya gələcək şəxslərin özləri ilə tibbi kartlarını gətirmək xahiş olunacaq. Onlar vaksinasiya olunmadan əvvəl həkim müayinəsindən keçəcəklər. Belə ki, yaşları 65-dən yuxarı olan insanlarda xroniki xəstəlik ola bilər və qış ayları olduğu üçün sərtləşmə qeydə alına bilər. Ona görə həkim rəyi olmadan onlara vaksin vurulmayacaq, sahə həkimi icazə verəndən sonra onu vaksinasiya otağına alacağıq. Sahə həkimləri xroniki xəstə olan vətəndaşları şəxsən tanıyırlar”.

Ümumdünya Səhiyyə Təşkilatı (ÜST) peyvənddən sonrakı dövr haqqında bir video hazırladı.
TIME-ın ÜST-ə istinadən verdiyi məlumata əsasən, videoda ÜST həkimi Keith O’Brien bu kimi suallara cavab verir: İmunitet nə vaxt yaranır? Nə qədər vaxt aparır? Peyvənddən sonra COVID-19-a yoluxa və ya başqalarına yoluxdura bilərəmmi? Niyə hələ də tədbir görməliyəm?