BMT strukturları Azərbaycan və Ermənistanla Dağlıq Qarabağa qiymətləndirmə missiyasının göndərilməsini razılaşdırmaqda davam edir.
TIME Rusiya Xarici İşlər Nazirliyinin rəsmi nümayəndəsi Mariya Zaxarova bu gün brifinqdə çıxışına istinadən bildirir ki, Rusiya prosesə beynəlxalq strukturların qoşulmasını faydalı hesab edir.
“Hazırda Dağlıq Qarabağda və ətraf rayonlarda Beynəlxalq Qırmızı Xaç Komitəsi fəal işləyir. BMT-nin xüsusi agentliklərinə gəldikdə, BMT rəhbərliyi Azərbaycan və Ermənistan tərəfi ilə təmasdadır və Dağlıq Qarabağa kompleks qiymətləndirmə missiyasının göndərilməsinin şərtləri razılaşdırılır”.
M.Zaxarova onuda qeyd edib ki, Rusiya BMT-nin Bakı və Yerevanla humanitar yardım məsələlərində əməkdaşlığını dəstəkləyir.
Sonda Rusiya XİN-in rəsmisi Qarabağda minalardan təmizlənmə işlərinin miqyası və qaçqınların qaytarılması haqda statistik məlumatlar verib.