İşğaldan azad edilmiş şəhər və rayonlara avtobus reysləri ilkin mərhələdə Bakıdan  yola düşməyəcək.

TIME rəsmi mənbəyə istinadən bildirir ki, artıq daşıyıcı şirkətlərin müəyyən edilməsi üçün müsabiqənin başlanması ilə bağlı əmr layihəsi hazırlanıb.

Avtobus reysləri işğaldan azad olunmuş ərazilərə yaxın regionlardan yola düşəcəklər.

“İlkin mərhələdə avtobus reysləri açılacaq yerlər Horadiz, Suqovuşan, Talışkənd, Cəbrayıl və Zəngilan rayonudur. Şuşa şəhərini biz ikinci mərhələyə salmaq istəyirdik, ancaq oraya getmək istəyənlərin çoxluğunu nəzərə alaraq onu da birinci mərhələyə saldıq. Nəzərdə tutulur ki, Şuşaya Gəncədən, Beyləqandan və Yevlaxdan avtobus xətləri işləsin”, – deyə rəsmi açıqlama verilib.