İcbari tibbi sığorta daha bir illik ƏDV-dən azad edilir

İcbari tibbi sığortanın əlavə dəyər vergisindən (ƏDV) azad edilməsi daha 1 il artırılır.

TIME yerli mətbuatın verdiyi məlumatlara istinadən bildirir ki, bununla bağlı məsələ Milli Məclisin bu gün keçirilən plenar iclasında müzakirəyə çıxarılan Vergi Məcəlləsinə dəyişiklikdə öz əksini tapıb.

Dəyişikliyə əsasən, “Tibbi sığorta haqqında” qanuna uyğun olaraq icbari tibbi sığorta fondunun vəsaiti hesabına tibbi xidmətlərin göstərilməsi 2020-ci il yanvarın 1-dən etibarən 2 il müddətinə ƏDV-dən azad edilir. Hazırda isə bu müddət 1 il, yəni bu ilin sonuna qədərdir.

Müzakirələrdən sonra dəyişiklik layihəsi səsverməyə çıxarılaraq qəbul edilib.

Leave a Reply