Bu gün, dekabrın 10-da, Bakıda Vətən müharibəsində qələbəyə həsr olunmuş hərbi parad keçirilir.

TIME rəsmi mənbəyə istinadən bildirir ki, Azadlıq Meydanında keçirilən hərbi paradda 3000 nəfərdən artıq şəxsi heyət iştirak edir, 150-dək hərbi texnika, o cümlədən silahlanmaya yeni qəbul edilmiş müasir hərbi texnika, raket və artilleriya qurğuları, hava hücumundan müdafiə sistemləri, eləcə də hərbi gəmi və katerlər nümayiş etdirilir.
Paradda həmçinin Vətən müharibəsi zamanı Azərbaycan Ordusunun darmadağın etdiyi düşməndən ələ keçirdiyi hərbi qənimətlərin bir qismi də nümayiş olunur.