Azərbaycanda hava şəraitinin dahada sərtləşəcəyi proqnozlaşdırılır.

TIME Ekologiya və Təbii Sərvətlər Nazirliyinə istinadən bildirir ki, Milli Hidrometeorologiya Xidməti noyabrın 15-i axşamdan 18-dək Bakıda və Abşeron yarımadasında hava şəraitinin qeyri-sabit keçəcəyini, arabir yağış yağacağı, bəzi yerlərdə intensiv olacağını proqnozlaşdırıb.

Noyabrın 15-i axşam şərq rayonlarında, 16-sı axşamdan isə əksər rayonlarda arabir yağış yağacağı, ayrı-ayrı yerlərdə intensiv olacağı, dağlıq və dağətəyi rayonlarda qar yağacağı gözlənilir.

Havanın temperaturu tədricən 5-7 dərəcə aşağı enəcək. Çaylarda sululuğun artacağı istisna olunmur.

Qeyri-sabit hava şəraiti ikinci ongünlüyün sonunadək davam edəcək.